ΠΡΟΣ ΕΦΕΣΙΟΥΣ 3:1-7
SBL Greek New Testament
3 Τούτου χάριν ἐγὼ Παῦλος ὁ δέσμιος τοῦ Χριστοῦ Ἰησοῦ ὑπὲρ ὑμῶν τῶν ἐθνῶν— 2 εἴ γε ἠκούσατε τὴν οἰκονομίαν τῆς χάριτος τοῦ θεοῦ τῆς δοθείσης μοι εἰς ὑμᾶς· 3 [a]κατὰ ἀποκάλυψιν [b]ἐγνωρίσθη μοι τὸ μυστήριον, καθὼς προέγραψα ἐν ὀλίγῳ, 4 πρὸς ὃ δύνασθε ἀναγινώσκοντες νοῆσαι τὴν σύνεσίν μου ἐν τῷ μυστηρίῳ τοῦ Χριστοῦ, 5 ὃ ἑτέραις γενεαῖς οὐκ ἐγνωρίσθη τοῖς υἱοῖς τῶν ἀνθρώπων ὡς νῦν ἀπεκαλύφθη τοῖς ἁγίοις ἀποστόλοις αὐτοῦ καὶ προφήταις ἐν πνεύματι, 6 εἶναι τὰ ἔθνη συγκληρονόμα καὶ σύσσωμα καὶ συμμέτοχα τῆς ἐπαγγελίας [c]ἐν Χριστῷ Ἰησοῦ διὰ τοῦ εὐαγγελίου, 7 οὗ [d]ἐγενήθην διάκονος κατὰ τὴν δωρεὰν τῆς χάριτος τοῦ θεοῦ [e]τῆς δοθείσης μοι κατὰ τὴν ἐνέργειαν τῆς δυνάμεως αὐτοῦ—
Read full chapterFootnotes
- ΠΡΟΣ ΕΦΕΣΙΟΥΣ 3:3 κατὰ Holmes WHmarg ] ὅτι κατὰ WH Treg NIV RP
- ΠΡΟΣ ΕΦΕΣΙΟΥΣ 3:3 ἐγνωρίσθη WH Treg NIV ] ἐγνώρισέν RP
- ΠΡΟΣ ΕΦΕΣΙΟΥΣ 3:6 ἐν Χριστῷ Ἰησοῦ WH Treg NIV ] αὐτοῦ ἐν τῷ Χριστῷ RP
- ΠΡΟΣ ΕΦΕΣΙΟΥΣ 3:7 ἐγενήθην WH Treg NIV ] ἐγενόμην RP
- ΠΡΟΣ ΕΦΕΣΙΟΥΣ 3:7 τῆς δοθείσης WH Treg NIV ] τὴν δοθεῖσάν RP
Scripture quotations marked SBLGNT are from the The Greek New Testament: SBL Edition. Copyright © 2010 by Society of Biblical Literature and Logos Bible Software